آخر تحديث :الأحد - 09 أغسطس 2026 - 02:33 ص

منوعات

خالد الصاوي يُحذر من استخدام حقن التخسيس: "حصلي كارثة بسببها"

الأحد - 20 أكتوبر 2024 - 12:33 م بتوقيت عدن

العين الثالثة/ متابعات

كشف الفنان “خالد الصاوي” عن تجربته الصعبة فى خسارة 20 كيلو جراما من وزنه، بالطرق السريعة كـ"الحقن"، التى أدت إلى تدهور صحته ودخوله للمستشفى.

خالد الصاوى يحذر من استخدام الحقن:

وحكى الفنان “خالد الصاوي” خلال لقائه في برنامج "كلام الناس" مع ياسمين عز: "خسيت 20 كيلو وناقص 20 كمان، وعايز أحذر الناس أنا أخدت الحقن حصلي كارثة بعد 3 أو 4 شهور حقنة منهم أدت إلى توقف الجهاز الهضمي وروحنا المستشفى وقعدت يومين، قلت لخبير التغذية واتفقنا إننا نرمي الحقن، يا جماعة خلوا بالكم الحقن دي مقصود بيها أن تسد النفس، بتوهم الجسم أن في حالة شبع وبتلعب في الجهاز الهضمي خلوا بالكم من الحقن دي".

وتابع خالد الصاوي: "التجربة أثبتت أن كل اللي عايز يوصل لحاجة بأرخص مجهود دي سكة فاشلة، لازم تعمل دايت وهو هيخسسك شوية بشوية ويكون في خبير تغذية بيتابعك، هتروح الجيم في حدود مسموح بيها دا المجهود اللي لازم تعمله، الحاجات السريعة زي فتح البطن لأ مش هعمل كده مش معقولة مش هفتح بطني عشان مش عارف أقفل بوقي".

وأكمل خالد الصاوي: "أنا على ما اخدت بالي أن شكلي مش تمام كان كل الناس بتقولي خس، لازم تبقى متواضع وتسمع للناس، بلاش المراية اللي بتطبطب عليك وتقولك أنت أحلى حاجة أو بتجلدك".

يذكر أن خالد الصاوي تعاقد على المشاركة في الموسم الخامس من مسلسل "المداح"، المقرر عرضه في شهر رمضان المقبل، من المقرر أن يقدم خالد الصاوي دور الشيطان، والذي قدمه فتحي عبد الوهاب في الجزء الرابع.

مسلسل "المداح 4" من بطولة حمادة هلال وشارك فيه فتحي عبد الوهاب، خالد سرحان، هبة مجدي، سهر الصايغ، حنان سليمان، دنيا عبد العزيز، صفاء جلال، وضيف الشرف دياب، مي سليم، أحمد خالد صالح وغيرهم.