آخر تحديث :السبت - 06 يونيو 2026 - 07:53 م

منوعات

باسم سمرة يكشف أسباب خوفه من عادل إمام وعلاقاته النسائية

الجمعة - 14 مارس 2025 - 12:40 ص بتوقيت عدن

العين الثالثة/ متابعات

حلّ الفنان باسم سمرة ضيفاً على بودكاست "ليك لوك" الذي يقدّمه الفنان عمر متولي على صفحته الخاصة في "فيسبوك"، حيث كشف سمرة عن تفاصيل تعاونه مع الفنان عادل إمام في فيلم "عمارة يعقوبيان" وأسباب خوفه منه، بجانب حديثه عن عمله كمدرّس ثانوي قبل دخوله الوسط الفني.

وقال باسم: "كنت خايف من عادل إمام إنه يضايقني لأني هردّ عليه، أنا مش بسكت وهخسره ودي كارثة، أصل هرد على مين؟... "الزعيم"، كنت في فيلم "عمارة يعقوبيان" وكنت رايح أقدم ولابس أشيك حاجة عندي، وقالي حلو أوي لبس الشخصية، قولتله ده لبسي أنا مش الشخصية... وتودّدت بينا العلاقة وبقى بيحبني".

وعن فترة عمله كمدرّس ثانوي، أضاف باسم سمرة: "أنا مُدرّس ثانوي، والطلاب كانوا أصحابي، ومهم في التدريس يحصل علاقة حب وصداقة وجدعنة بين الطالب والمُدرّس، وموضوع إنك تضرب شاب ده هتكسره هيكرهك، ويكره المادة، وبعدين أنا مسافر ساعتين علشان أضرب الطلاب؟، بالعكس لغاية دلوقتي علاقتي بيهم حلوة".

كما تحدث باسم سمرة عن النساء والعلاقات العاطفية في شبابه، قائلاً: "أحلى حاجة في الست إنك تبقى مطمّن على نفسك وبيتك وعلاقتك معاها... الراجل فيه حتة طفولية لو اتعاملت معاه جد زيادة هيتضايق، لازم يكون فيه توازن، وحبيت بنت زمان ولكن كان صعب أعترف لها بحبي، وبقيت بصاحب أكتر من واحدة في نفس الوقت، لأن فيه فترة كده بتبقى محلوّ وصحتك حلوة فليه لأ؟ وعايز تشوف تجارب في اللي دمها خفيف وفي اللي رومانسية".